طريقة عمل مربى المشمش والمشمش المجفف وقمر الدين فاطمة ابو حاتى

السلام عليكم ورحمه الله وبركاته..

النهارده جايبالكم وصفة إنما ايه حلوة اوى وهتعجبكم..

دلوقتى موسم المشمش وهو ليخلص بسرعه والحقوا يلا ..

مربى المشمش:

كيلو مشمش عليه كيلو الا ربع سكر عصير ليمونة 

تفصصي المشمش وتقطعيه وتنزلي عليه السكر ارفعيه علي النار وقلبي ورا بعض لما يغلى وطى النار شمعه وانزلي بعصير نص ليمونه وقلبي  كتير متنسيهوش واقفلي النار وهتلاقيها احلي مربي 

ملحوظة : حطي المشمش في حلة كبيرة شوية علشان وهو بيغلي بيفور 

متسبيش المشمش علي النار اكتر من ١٠ دقايق علشان ميغمقش 

وقلبي كتير بمعلقه سيلكون علشان متتحرقش ..

قمر الدين :

هتجيبى كيلو المشمس الحلو وتفصصيه وتحطيه على النار مع كوبين سكر وتبودرة قمر الدين لو موجوده أنا ملقتهاش بصراحه وعصير ليمونه وربع معلقه ملح ليمون وتسيببهم ربع ساعه وبعدها هتجيبى الهاند بليندر وتضربيه لحد ما يبقى مفيهوش قطع خالص هتجيبى كيس بلاستيك وتفرديه على صينيه وتدهينيه زيت برافين أو عباد عادى وتفردى الخليط طبقه رقيقه وتسيبيه فى الهواء لحد ما ينشف اخد معايا 5 ايام بعد كده الفئه وتشيليه فى الفريزر ..

طريقة عمل مربى التين والتين المجفف من هنا👇

المشمش المجفف :

هتجيبى المشمش السليم جدا وتفتحيه من الجنب اللى برا وتطلعى البذرة ..

هتغلى مائه فيها زيت برافين أو عادى وملح ليمون وعصير ليمون وتحطى المشمش وتطلعيه بسرعه ..

تفرد فوطه قطن على صينيه وتفردى المشمش عليه وتفضلى نقابية لحد ما ينشف ومينزلش اى عصاره على الفوطه تخطى عليه شويه نشا وتشيليه أو تحطيه في الفريزر ..

اخد معايا اسبوع وكنت بغير الفوطه كل يوم ..

 الف هنا..

ادعولى دعوه حلوه بقى ..